Posts tagged religion

Kum tir lamah hian Kohhran leh pawl hrang hrangin ‘Financial Campaign’ te kan uar khawp mai a. Thilpek chungchangah hian mi tam tak ngaihdan a inang lo tan viau a. Thenkhatin, “Kan neih atanga kan phal ang chin pek hi a tha”, an tia…Thahnem ngai deuh hlekin, “Keimahni pawhina kan ui khawp pek a tha”, te an tia.

Mahse II Korinth 9:7-ah chuan,

Mi tinin ui chunga pe lovin, pek loh theih loh anga ngaia pe hek lovin, an thinlunga an tum ang zelin pe theuh rawh se; Pathian chuan hlim taka petu a ni a hmangaih ni.

tiin Tirhkoh Paula chuan Korinth khuaa mite a lo hrilh a.

Chuvangin,

• Ui chungin Pathian hnenah thilpek kan pe tur a ni lova
• A malsawmna kan chhan letna a ngaiin, tihmakmawhah thilpek pek hi kan ngai tur a ni hek lova
• Kan rilruin tul a tih ang chu lawm takin pek mai tur a ni zawk e.

Kan dam chhunga kan nghah Isua hi a lo kal a nih loh chuan, engtik emaw niah chuan he khawvel hi ka la chhuahsan ve ang a, nang pawhin i la chhuahsan ve ngei ang.

Ka chanchin an ziakna phekah hian Isua Krista nena kan inkar hi a lang ve ang em le?

Mizorama pawl hrang hrang zingah hian Kohhran aia carbon footprint nei nasa hi an awm ang em? Tih tlem dan kan hria em, nge kan tum vak lo?

Kohhran hian a bik takin current leh tui kan ren thiam lo tlangpui niin a lang a; chubakah noise pollution/sound bengchheng kan siam nasa hle. Tun aia tih tlem dan a awm thei ang em?

Engah nge ka rilru a buai thin le,
Khawvel thilte vang a lo ni.