Photo Credit: A leader is wanted

Mizote hian pawl kan ngah a; chuvang chuan hruaitu pawh kan ngah. Pawl kan ngah vang hi nge maw ni, kan hruaitute pawh hi kan ngaihlu thiam lo khawp mai.

Kan rawngbawl theihna hi a inang lova, chuvang chuan hruaitute thuawih hi member-te tan chuan rawngbawlna a ni. Pawl thiltihah hian a tha ber hi hriat a har a, a then chu a tha ber awm lo thilte pawh a ni bawk. Hetiangah tak hian rawngbawltu kan nih inhriat a, hruaitute thu zawm thiam hi a tha khawp mai. Hruaitu thenkhatte hi chu back-up ngai ve tak pawh an ni thei; chuvangin, anmahni pui zawnga thil tih hi kan hruaitute kan tihchakna leh chawimawina a ni.