Hmanni zan KTP hnatlannaah phelsep siam pahin kan titi khawm a. Chutah chuan Pu Lal Thanhawla case chungchang kan sawi laih laih a. Chuta tanga ka rilrua awm chu:

1. Eng party pawh sawrkar se, an sawrkar tawh chuan mipui te hian kan back-up tur a ni tih hi kan hre lo. Sawrkarna siamtu apiang hi ‘kan sawrkar’ a ni, ruling party ringawt an ni lo.

2. Sawrkar mumal tak nei theia kan awm hi lawmna chang kan hre lo.

3. Inthlang thei ram kan nih hi kan ngaihlu thiam tawk lo. Kan thenawm Burma ram te khi ngaihtuah mah teh u…

4. Sawrkar ding lai sawiselna kara an thatna rawn sawitu chu ruling party mi leh sa emaw kan ti ringawt.

5. Pu Hawla eirua an puhnaah a fihlim thu court-in a puang tawh a. Chutia nih chuan Pu Hawla hian ama sawi angin sawrkar pawisa hi a la eiru lo a ni mai. Eirua kan lo rin ve ringawt hian thil kalphung hrethiam lo kan nihzia a lang. An chhui a, a dik lohna an hmu lo.

6. Pu Zoramthanga lakah pawh tunah case register tumin hma lak mek a ni. An tum avang ringawt hian Pu Zoramthanga hian a eiru a ni lo. Puh an tum chauh a la ni. Puh dan tur an zawng mek a, dik lohna a nei nia an hriat chuan an puh ang a, chumi hnuah court-in an puhna dik leh dik loh a hai lang ang.

7. Politician-te ringawt hi mi dik lo awm khawm an ni lo; keini pawh hian dik lohna kan ngah ve a ni.

8. Thil hi kan ring ang ngawta awlsam hi a ni lo fo.